2/12/16

Fin de semana no Culturgal en Pontevedra

En 2016 Culturgal Feira das Industrias Culturais celébrase dos días 2 ao 4 de decembro no Pazo da Cultura de Pontevedra chegando a súa novena edición. Nesta nova cita do sector cultural galego e nas portas dos dez anos da feira, o lema xirará ao redor da construción comunitaria da cultura do futuro.
O programa completo das actividades pode verse na páxina oficial do Culturgal 2016, unha oportunidade para desfrutar en familia de actividades culturais, libros, música,exposicións...e a un prezo incomparable!
Achegarse a Pontevedra nesta fin de semana pode ser unha boa opción!

23/11/16

Unha data para reflexionar

Esta semana na hora de lectura seleccionamos textos sobre a violencia de xénero,  algunhas viñetas de Mafalda e unha canción de Sés. Todos os grupos pasaron pola biblioteca para ler e reflexionar sobre este tema de cara o Día Internacional contra a violencia de xénero.

22/11/16

Exposición sobre Ciencia na nosa biblioteca

Algúns fondos destacados da nosa biblioteca para novembro, o "Mes da Ciencia en galego".
Seguro que te van inspirar para escribir o teu relato sobre Ciencia...
Aínda estás a tempo!
Aquí están as bases do concurso


14/11/16

O Papagaio, unha nova revista en galego

Xa temos unha nova revista en galego, O Papagaio,con interesantes achegas de ciencia, historia,arte, cultura, tecnoloxía e banda deseñada.
Podes ler xa o primeiro número editado por Edicións Moito Conto e incluso podes ir pensando se queres participar coas túas propostas.

Preme na imaxe para ler e despois deixa un comentario no blog para sabermos se che gustou!


13/11/16

Leonard Cohen e Federico García Lorca

Leonard Cohen e Federico García Lorca:unha vinculación poética eterna
Segundo confesou L.Cohen en 2011, Lorca foi o poeta que máis influiu na súa xuventude e incluso a súa primeira filla leva o nome de Lorca.
Ver documemento completo en culturainquieta.com


Cohen tamén colaborou no disco "Poetas en Nueva York" en 1986.

1/11/16

Queres pasar algo de medo?

«Danza macabra» (Danse macabre), opus 40, é un poema sinfónico composto en 1874 por Camille Saint-Saëns, inspirándose nun poema de Henri Cazalis recreando a antiga superstición de la Danza de la Muerte . É unha das composicións máis populares do seu autor. A  obra, estreada en París o 24 de xaneiro de 1875, describe a  Morte tocando o violín a medianoite. Ao seu ritmo, os esqueletos bailan ao redor  dunha tumba. Ao amencer, co canto do galo, os mortos voltan ás súas tumbas.
Fonte: Wikipedia
.

Outra visión do "Día dos Mortos"

Mural  de Diego Rivera "Día de Muertos. Fiesta en la calle"

24/10/16

As nosas pegadas na biblioteca

Hai libros que deixan pegadas en nós e nós hoxe deixamos a nosa pegada neste libro creado especialmente par celebrar o Día Internacional da Biblioteca.

21/10/16

24 de outubro Día da Biblioteca

Por iniciativa da Asociación Española de Amigos del lIbro Infantil y Juvenil, desde 1997, en colaboración co Ministerio de Educación, Cultura e Deporte, celébrase o Día da Biblioteca, co obxectivo de concienciar á sociedade da importancia da lectura e como homenaxe e recoñecemento á labor dos/as bilbiotecarios/as.
Este ano, as autoras selecionadas para a redacción do pregón e o deseño do cartel que se difunde foron as gañadoras do Premio Nacional 2015, Ledicia Costas e Elena Odriozola.

E agora a nosa proposta de actividades para 
o recreo do luns na biblioteca!

Un paseo virtual polas bibliotecas do mundo

13/10/16

Nobel de Literatura 2016 para Bob Dylan

Desta vez  a Academia Sueca outorga o Premio Nobel de Literatura a un músico, Bob Dylan, por "ter creado unha nova expresión poética dentro da gran tradición da canción americana".

 Podes ver as letras dalgunhas cancións destacadas neste enlace
E agora unha canción que Bob Dylan dedicou ao seu fillo en 1974 e que conta cun libro ilustrado publicado pola editorial Blume
   
Letra de Forever  Young

30/9/16

Arte e literatura

Pintura sobre auga do artista turco Garip Ay para recrear a figura de Van Gogh


E seguro que agora terás curiosidade por ler "O pintor do sombreiro de malvas"
 de M. Calveiro, que podes atopar na nosa biblioteca.

Un adolescente é enviado pola súa nai dende París a pasar cunha tía unha boa tempada na vila de Auvers. Durante aqueles días do verán de 1890, coñecerá a Vincent, un pintor que semella beberse a vida con cada violenta pincelada sobre o lenzo e do que durante sesenta e nove días se fará inseparable, acompañándoo no seu deambular polos trigais e na súa infatigable loita contra os convencionalismos da vida provinciana. Mais o mozo tamén descubriá o amor, coñecerá algúns misterios sobre o seu pasado e se enfrontará por vez primeira á morte, o que o obrigará a tomar unha decisión sobre o futuro que lle agarda.

12/9/16

Novo curso e novas actividades...Contamos contigo!

O próximo xoves día 15 comeza o novo curso escolar e desta vez temos un lema ben atractivo!

Biblioteca escolar, territorio das Artes convida a explorar fórmulas para espertar nos lectores e nas lectoras o interese por achegarse e apreciar os produtos artísticos, pero sobre todo  a experimentar o pracer de expresarse a través da música, a pintura, a arquitectura, a danza, o teatro, a literatura, a escultura, as artes visuais (cine, cómic, fotografía, videocreacións, videoxogos).
Máis información no blog de Bibliotecas Escolares

20/6/16

Felices lecturas!

As nosas recomendacións de lectura 
podes atopalas premendo nesta imaxe!

E tamén podes ver as recomendacións  de máis Bibliotecas Escolares!

Lecturas para o verán

Achéganse as vacacións e o verán dá para moito...
Vai pensando nos libros e/ou películas que queres levar e non esperes ao último día para pedilos ás profes de garda!
Dáte unha volta polos  distintos andeis e non esquezas as novidades!

10/6/16

Comeza a Eurocopa 2016

Canto sabes da Eurocopa 2016?
Cantos países participan?
Recoñeces as súas bandeiras?
Cando comezou a celebrarse a Eurocopa?
Que países foron gañadores?



E agora algunhas imaxes a ritmo da canción oficial!
  

8/6/16

Xornada Atlántica no "Bosque de Colón"en Poio

O bosque se sequoias do monte Castrove, en Poio,tamén chamado o "Bosque de Colón" é a maior prantación se sequoias de Europa, 500 exemplares traídos dende California e prantados no ano 1992 para a celebración do V Centenario do descubrimento de América.

Nesta xuntanza, organizada polas escolas asociadas á UNESCO, das que formamos parte, o alumnado de 3º de ESO tivo a oportunidade de realizar xogos ambientais e unha intervención artística interaccionando coa natureza para representar a amizade transoceánica
.

27/5/16

Día europeo dos Mercados e Prazas de Abastos

Na véspera do Día dos Mercados e Prazas de Abastos fixemos unha visita ao Mercado Municipal e o noso alumnado levou as  conclusións do estudo realizado nas semanas anteriores e tamén as súas  propostas  ao Concello de As Neves nas cartulinas que quedaron expostas.



Alí compartimos  a sesión co alumnado do colexio
 e da unitaria de Rubiós.

14/5/16

Eu fun ao mercado...

O alumnado de  INEIN de 1º de ESO continúa co traballo de campo sobre os mercados tradicionais dentro da campaña "Quere o teu mercado" do Concello de As Neves. O venres 27 expoñerán os seus traballos.
.