27/4/17

Premio dos Clubs de lectura 2017 para Miguelanxo Prado

 O premio seralle entregado o 17 de xuño na que será a X Xornada dos Clubs de Lectura que se celebrará en Compostela.


Para coñecer máis a este autor podes visitar o seu blog premendo na seguinte imaxe!
VISITA DE LEDICIA COSTAS

Por fin chegou o día. Despois de ler os seus libros e elaborar carteis  e debuxos baseados nas súas portadas, Ledicia visitounos e pasamos un rato estupendo. Aquí tedes un vídeos cos mellores momentos.

video


Aquí a Ledicia léndonos un anaquiño do seu libro

video

E aquí contándonos unha anécdota moi divertida

video

23/4/17

23 ABRIL, DÍA DO LIBRO

Agradecemos á poeta Rosalía Fernández Rial o seu poema sobre o libro e o acto de ler, un agasallo para as Bibliotecas Escolares de Galicia no Día Mundial do Libro e dos Dereitos de Autor.

 

19/4/17

Esperando a visita de Ledicia Costas


Ledicia Costas. Nacín en Vigo alá polo 1979, cando o verán estaba a piques de morrer. Neta dun inventor e filla de dous creadores de soños, escribo desde que teño memoria. Debutei na colección Fóra de Xogo coa novela “Unha estrela no vento” (Xerais 1999), obra escrita en plena adolescencia e que está traducida ao catalán. Na colección Abismos, xunto con outras 24 narradoras, publiquei o relato “Negrita” no volume “Narradoras” (Xerais 2000). “O corazón de Xúpiter” (Xerais 2012) é a miña segunda novela, “Recinto Gris” (Xerais, 2014) a terceira e ''Un animal chamado néboa'' (Xerais, 2015) a cuarta.. En 2014 gañei o Premio Merlín de Literatura Infantil e o Premio Nacional de Literatura Infantil e Xuvenil, 2015 con “Escarlatina, a cociñeira defunta” (Xerais, 2014) e en 2016 publiquei “Esmeraldina, a pequena defunta” e “Jules Verne e a vida secreta das mulleres planta” Premio Lazarillo de Literatura Xuvenil 2015. Síntome poeta con alma de equilibrista, porque recito nos lugares máis propicios á caída: no autobús, no supermercado, nos bares, en tendas de conxelados… E debe ser por iso que formo parte do colectivo Poetas da Hostia. A miña obra poética está recollida en distintas publicacións colectivas. Individualmente teño publicado o poemario “Xardín de Inverno”. Son avogada a tempo parcial e poeta a tempo completo. E nas horas libres escribo novela, que é a miña verdadeira paixón.
Fonte:Presentación da autora en Editorial Xerais

E para ir abrindo boca do que nos espera mañá na xuntanza coa autora, deixamos este video sobre unha das súas obras máis recoñecidas.

Non faltedes á cita e traede os vosos exemplares para que volos asine!

 

11/4/17

Celebrando o día de Rosalía

O 6 de marzo celebramos cun pouco de retraso o día de Rosalía no noso instituto. O equipo da biblioteca xunto co departamento de galego organizou un acto conmemorativo, e pasamos unha tarde moi divertida recordando a Rosalía. Proxectouse un vídeo sobre a súa vida, o alumnado de 2º de Bacharelato falaunos do feminismo na súa obra, o de 3º de ESO elaborou video-poemas, os do club de lectura recitáronnos Adiós ríos, adiós fontes e finalmente cantamos todos xuntos con Astarot.






24/3/17

Miguel Hernández, un canto á vida e á liberdade

A comisión de Cultura do Congreso dos diputados declarou o ano 2017 como "O ano de Miguel Hernández" e por iso se están celebrando diferentes actos para lembrar a súa vida e obra, especialmente nesta semana na que se celebra o Día da Poesía e dado que  o próximo 28 de marzo cúmprese o  75 aniversario da súa morte. 

Para coñecer mellor o legado de Miguel Hernández,dramaturgo que cantou á vida e a liberdade, podemos visitar a web Poemas del Alma ou escoitar algúns dos seus poemas na voz de J.M. Serrat ou de Paco Damas que acaba de reeditar o disco "Tristes guerras"xunto con outros artistas colaboradores.


8/3/17

8 de Marzo, un día para a reflexión

Noticias sobre o Día Internacional da Muller 2017

No noso taboleiro en Pinterest tamén temos unha variada recopilación para lembrar as mulleres que foron deixando pegada na historia

Premer na seguinte imaxe para acceder!


Unha videocreación do IES Politécnico de Vigo, iniciativa das profesoras Carme Adán e Ana Ojea.

9/2/17

Literatura romántica

Se che gusta a literatura romántica, neste taboleiro atoparás  unha boa oferta. Pasa pola nosa biblioteca e verás que xa temos moitos dos libros que aparecen neste taboleiro e se tés interese en algún outro para comprar tamén o podes  pedir!

Taboleiro atopado en Pinterest
Clica na imaxe para acceder!

6/2/17

Visita á exposición "O Principiño arredor do mundo"

O alumnado de 1º de ESO visita a exposición  "O Principiño arredor do mundo"  no CEP Carlos Casares de Alxén (Salvaterra de Miño).


Esta exposición forma parte da colección privada do escritor que, dende principios dos anos 70, comezou a traducir a mencionada obra ao galego para a editorial Galaxia. A súa afección polo libro de Antoine de Saint-Exupéry moveuno a coleccionar O Principiño en todas as linguas do mundo. No momento da súa morte, Carlos Casares tiña na súa colección máis de 100 volumes de distintas edicións de Le petit Prince en linguas xermánicas, eslavas, románicas, escandinavas e mesmo orientais. Ademais de contar coa obra nas linguas da Península Ibérica (galego, portugués, castelán, vasco e catalán) tiña tamén obras en aragonés, asturiano ou estremeño. A colección recolle tamén edicións únicas ou raras de linguas minoritarias, algunhas de mediados dos 70.

Un bo comezo para homenaxear a Carlos Casares, o  autor que fixo a traducción desta obra ao galego e que este ano se lle dedica o Día das Letras Galegas.

25/1/17

Lectura teatralizada

Na hora de lectura do segundo trimestre o alumnado estivo desfrutando da lectura teatralizada da obra "O achado do castro" de Manuel Núñez Singala.

O autor lévanos á Roma antiga, mais faino xogando coa lingua obrigando a que os personaxes falen coma nós, con termos de hoxe en día, o que nos leva a situacións moi cómicas dende un "latín" un chisco especial. Como boa historia romana, hai un emperador, que é de todo agás espelido, soldados, filósofos barbudos e sabios, e... unha historia de amor. Humor, situacións inauditas e, sobre todo, unha lectura engaiolante.

Tamén o podes atopar en:


20/1/17

Libros destacados no 2016

Dende Planeta de Libros ofrécennos un amplo listado dos libros destacados do ano que acaba de rematar e tamén  das lecturas do momento en lingua castelá. 
Dá un vistazo e  fai as túas suxerencias de compra á nosa biblioteca!

13/1/17

Xa chegou "O Papagaio"

Na biblioteca xa temos varios exemplares da nova revista en galego "O Papagaio" con interesantes
reportaxes para o debate, propostas ecolóxicas, sección de cómic, recomendacións lectoras...
Pasa pola biblio e compróbao!